عشرين شارب ماشرب لي فناجيل
من دله صفرابها شاذليه
من دله تبري ضرم للرجاجيل
سو يتها للي ترتدعليه
احدن يقول البن طاغي على الهيل
واحدن يقول الهيل زايد شويه
احدن يدور الغلط باب تعديل
يحط منقوده بهذي وذيه
احدن يحلل حكيها الزين تحليل
غلطان منهويحسب اني رديه
غلطان ثم غلطان يالشيخ بالحيل
بيني وبينه يالوفي مكرهيه
اناابدويه عزوتي قربهم ويل
ايه بدويه والفخر لبدويه
اصبر على الشدات لحظات وتزيل
وتزيل معها كل بلوى قويه
لاني من اللي ترتكب عار بالليل
ولاني من الي تقبله في هديه
ولاني من الي شانها القال والقيل
ولاني من اللي تعشق العنصريه
يامشغلين اعماركم حط وشيل
حضرة جناب العز قبٌل يديه
مامالت الحره ولا تعرف الميل
كل البشرتدري بأني تقيه
يالله عسى حظك مثل صاحب الفيل
اللي نوى مكه لفعل الخطيه
وجزاه من ربي بطيرٍ ابابيل
امسومه من عندرب البريه
موضوع: شعــــــــــــــــر 
